ҚАЗАҚСТАН РЕСПУБЛИКАСЫНА ТӘУЕЛСІЗ МЕЙІРГЕР ІСІНІҢ ОЗЫҚ ТӘЖІРИБЕЛЕРІН ЕНГІЗУ

Халықаралық ғылыми-практикалық конференция Қазақстан Республикасы денсаулық сақтау жүйесіне заманауи әрі тиімді тәуелсіз мейіргерлік іс тәжірибелерін енгізуге арналған. Іс-шара аясында мейіргерлік істегі көшбасшылық пен басқару, мейіргерлік білім беруді дамыту, мейіргерлердің кеңейтілген практикасы, оқыту үдерісіне жасанды интеллектті енгізу, сондай-ақ кәсіби күйзеліс пен эмоционалдық қажудың алдын алу мәселелері қарастырылады. Конференцияға Қазақстан Республикасы Денсаулық сақтау министрлігінің, Дүниежүзілік денсаулық сақтау ұйымының (ДДҰ), халықаралық сарапшылардың, медициналық ұйымдар мен білім беру мекемелерінің басшыларының өкілдері қатысады.